因為之前果幾日實在太忙，一直都無真正思考到到左依日要點處理，點知話咁快就黎，好!既來之，則安之!
朝早七點半起左身，一路諗下仲有咩未帶（黎到發覺無帶拖板，shit），8點3落樓搭的士，話咁快就到機場。
之前一路好擔心行李超重，一磅完來得30kg(我allowance 40kg)，跟住就塞多d hand carry 入去都係32 kg，勁呀! 食個早餐之後9點55分就入閘。
我一早就reserve左最尾果行既角落頭位，因為可以盡情挨後又無乜人見到我，班機完全唔full，我就順理成章霸埋隔黎個位啦! 睇下 sex and the city2，食下野就到啦~
過境都好少人，我好醒目咁話我有working holiday visa，搞左一輪就好快入到境，lor左行李之後搵唔到地鐵(skyliner)=.=要勞煩機場特警「千葉縣警察」帶我去(因成田機場係千葉縣)。同賣飛姐姐講去日暮里，佢話要2400 yen，我覺得真係好貴!!就問佢有無平d既，佢話有1000yen既，不過就要搭個半鐘，貴既就半個鐘，咁我見仲有2個鐘先到同房東約定時間，當然買平飛啦!上左車十五分鐘我就開始後悔，因為我以為d位係同香港機場快線差唔多，面對面咁軟綿綿，事實上佢係同香港地鐵差唔多，一排打橫坐八個人，仲幾硬下，我已經坐左4個鐘飛機，再坐多個半鐘都幾痛苦，再加上日本人有唔Q腳既習慣，我差唔多無郁過!!!對面果三個去完倫敦既日本青年訓到死豬咁~算啦!依d就就係年青既體驗!!!（事實上如果我坐貴飛都要等房東好耐）
日暮里之後轉車去池袋，之後先係痛苦考驗既開始!!!!首先我放左張飛落入閘機個閘又唔開，試多幾次我就夾硬衝過去，比個車站職員趕返我轉頭，講一堆我唔明既日文，大意就叫我過另一邊出閘，過左另一邊試又係唔得，我就拖住d行李衝左幾次，仲好多排隊既人望住@@之後搵到個職員姐姐問，原來係要放左張飛入去，然後do pasmo（日本八達通）先得!!!我終於衝到出去啦!!!!仲有池袋係一個算極大既站，我拖左我32kg既行李搵路搵左好耐要轉既線，對手又越來越酸，仲撞正放工時間（都好過返工），d人係四方八面湧埋黎，真係行一步停兩步…好不容易搵到入閘機，又到pasmo唔夠錢，又拉住d行李去增值，增完值仲大獲，無電梯!!!!!!當我望住果條比旺角銀行中心出口條樓梯再長d既樓梯，而我又意識到我要係人潮中拉32kg行李加2個handcarry上去時，我想坐係地下喊!!!!!天無絕人之路，我又問d職員有無電梯，佢地話有，不過係車站另一邊，就幫我取消左入閘，跟住我就又係人潮中爬返過車站另一邊…
好不容易去到上板橋，見到房東接我，真係覺得自己好勁!!!沖左涼，食完野，skype左一陣，而家差唔多訓啦!!
聽日搞外國人登錄證，可能出電話，去周圍行下!!
感謝神保守帶領，要繼續保守我一切順利呀!!
嘩...真係好驚險呀...一定很累了!
回覆刪除到最後你搭skyliner幾點去到上板橋??